MERKEZÊ XEBERAN - Îdarekarîya Xoserîya Demokratîke dîyar kerd ke wextê selahîyetdarê tirkan, propagandayê peynîbîyayîşê şerî kenê la hedefgirewtişê dewe, bajar û binesazgehê herême dirîyê înan û nîyetê înan ê rastîn eşkera keno.

 

Îdarekarîya Xoserîya Demokratîke derheqê hêrişê dewleta tirkan ê hemverê herême de eşkerayîyêke weşan kerd. Îdarekarî dîyar kerd ke hedefkerdişê sivîlan, sûcêk şerî yo û hemverê qanûn û peymanê mîyannetewî yo.

 

Eşkerayî de hêrişê dewleta tirkan ê hemverê herêmê Vakur û Rojhelatê Sûrîye ameyî şermezarkerdiş, kesê ke ameyî qetilkerdiş, ameyî yadkerdiş û şîfayê lezkî birîndaran rê ame waştiş.

 

Îdarekarî dîyar kerd ke dewleta tirkan bi hedefkerdişê tutan û sivîlan hewl dana îradeyê xoverdayîşê şarî bişikino û zorê asayîşê herême bero.

 

Îdarekarî venga Koalîsyonê Mîyanneteweyî û hêzê Rûsyayî kerd ke berpirsyarîyê xo ca bîyarê, sîyasetê dihetî û bêvengîya xo vindarnê.