STENBOL - Avûkatê Buroyê Huqûqî yê Asrînî semedê pêvînayîşê muwekîlê xo Rayberê PKKyî Abdullah Ocalanî dir, muracatê Serdozgerîya Bûrsayî û Mudurîyê Zîndanê Îmraliyî kerd.

 

Avûkatanê Buroyê Huqûqî yê Seserre ra Rêzan Sarica, Raziye Ozturk, Mazlum Dînç û Faîk Ozgur Erol seba pêvînayîşê bi Rayberê PKKyî Abdullah Ocalan ke Zîndanê Padayeyê Tîpê Fyî bi Asayîşê Berzî yê Îmraliyî de yeno tepiştiş, Serdozgeriya Komare ya Bursayî û Midûrîyê Zîndanê Îmralî muracat kerd. 

 

Heto bîn ra avûkatan, seba pêvînayîşê bi Omer Hayrî Konar, Hamîlî Yildirim û Veysî Aktaş zî hem muracatê dozgerî û hem zî midûrîyê zîndanî kerdî. 

 

Pêvînayîş bi sebebê vengî yenê astengkerdiş

 

Xeylê serdayîşê semedê pêvînayîşê Abdullah Ocalanî, Omer Hayrî Konar, Hamîlî Yildirim û Veysî Aktaş nînê cewabkerdiş. Pêvînayîş, her 6 aşmî ra reyke hetê Dadgerîya Înfazî ya Bursayî ra bi sebebê “cezaya disiplînî” yenê astengkerdiş. 

 

Qerarê qedexeyî

 

Qedexeyê pêvînayîşî avûkatan dir temamê Rewşa Awarte (OHAL) ra temmuza 2016ine de dewam kerd û no çî heta sibatê 2018ine dewam kerd. Waştişê pêvînayîşî yê avûkatan dimayê nê tarîxî her 6 aşmî reyke ame reynakerdiş û heta ewro dewam keno. Qerarê qedexeyê pêvînayîşî yê semedê 6 aşmî yê tewr peyîn zî 3yê gulana 2024ine de hetê Dadgerîya Înfazî ya Bursayî ra ame dayîş.

 

Qerarê peyîn dir mîyanê 8 serran de tewr tay 13 rey semedê 6 aşmî cezaya pêvînayîşî avûkatan rê ame dayîş.