MERKEZÊ XEBERAN - Ame neqlkerdiş ke serdayîşê doktorî ya pawitoxa heqê cinî û tepişteya sîyasî Hacer Seîdî yeno astengkerdiş û tedawî ra bêpar yena verdayîş.

 

Goreyê medyaya Rojhelatê Kurdistanî vila kerd, tepişteya sîyasî Hacer Seîdî ya ke zîndanê Evîne de yena tepiştiş, rayîr nîno dayîş destûrê serdayîşê doktorî bikero û feydegirewtişê tedawî ra zî bêpar yena verdayîş.

 

Ame dîyarkerdiş ke dermanê ke hetê keyeyî ra zî yenê şirawitiş, hetê berpirsîyarê zîndanî ra yenê astengkerdiş û nêresenê verê destê Hacer Seîdî.

 

Ercê vatişîyo ke aşma teşrîna verêne de serra 2023ine de endama verî ya Encûmena Cinîyan û Çalakîkera heqê karkeran û cinîyan Hacer Seîdî, semedê çalakîyê xo yê semedê pawitişê heqê cinî û karkeran amebî destbendkerdiş. Badê cû Hacer Seîdî hetê Şubeyê 1ine yê Dadgeha Şorişî ya Sine ra bi tometê ‘kombîyayîî û hemverê asayîşê netewî’ bi cezaya zîndanî amebî mehkûmkerdiş.