AMED- Şaredarîya Amedî ya Şaristanê Girdî, çar taxanê bajarî de seba tutan aktîvîteya atolyeya muzîk û resimî organîze kerd.

 

Serekîya Daîreya Karanê Kulturî û Sosyalan, seba ke qabîlîyet û potansîyelê gedeyan bivejîyo meydan û eleqeyê înan ê hunerî reyde zêde bikero, xebatanê xo dewam kena.

 

Na çarçewa de Taxa Bagîvar û Çarikli ya Qezaya Sûrî, Taxa Ferîtkoşkî ya Qezaya Yenîşehîrî û Taxa Şêx Şamîlî ya Qezaya Baglarî de Atolyeya Hunerî ya Tutan ameye viraştene.

 

Atolyeyanê ke bi hemkarîya Ma Music Center ameyî organîzekerdene, tede mamosteyî, bi erbane û deyîranê ke bala tutan ancenê, taxan ra gêrayî û gedeyî arê dayî.

 

Mamosteyî, tutan reyde deyîrî kerdî, enstrumanî cinayî û resimî viraşt.

 

Tutê ke çember viraşt, keyf kerd û rojêka weşe vîyarnaye.