![](/staticfiles/news/237987/2024/07/22/823x463cc-mrd-22-07-24-yangin-felaketi-magdurlari-deprem-magduru-cikti-manset.jpg)
Keyeyo ke şewat de lajê ci merd mexdûrê erdlerzî yo
- 10:57 22 Temmuze 2024
- NAROJANE
Oznûr Deger
MÊRDÎN - Keyeyê Resul Yilmazo ke felaketê şewato ke pêwa ey 15 kesî dinyaya xo bedelnayî, eynî wextî de erdlerze bî, vejîya werte ke keyeyê înan ameyo rijnayîş û dimayê rijnayîşî qerarê rijnayîşî parselê şaşî de ameyo mojnayîş.
Dewê girêdayeyê Şemrexî yê Mêrdînî û Çinarê Amedî 20ê Hezîrane de şewat vejîya û 15 kesî şewat de dinyaya xo bedelnaye. Vejîya werte ke keyeyê ke felaketê şewatî ra bi tesîr bîyê eynî wextî de erdlerze yê. Resul Yilmazo 18 serrî yew 10 kesê ke dewa Kelekî ya Şirnexî de dinyaya xo bedelna yo. Ame dîyarkerdiş ke keyeyê ey mexdurê erdlerzê 6ê Sibate yo. Vejîya werte ke semedê keyeyê Resulî dimayê xebatê tespîtê zirarî raporê ‘zirarê giran’ ameyo dayîş la keyeyê înan ameyo rijnayîş.
Walîyê Mêrdînî qerarê rijnayîşî da
Walîyê Mêrdînî teblîgatê 6ê Temmuze 2023ine de şirawit keye de wina vat: “Dimayê erdlerzê 6ê Sibate yê merkezê Mereşî de virazîya, xebatê tespîtê zirarî de derheqê awanîyê statuyî ‘ganî lezgîn bêrê rijnayîş’ de Şemrex, taxa Yucebax, kuçeyê Yucebax ma xo nêresna keyeyê hûmara 29-29A de manenê û nê semedî ra teglîb bi berî ameyo daliqnayîş.”
Keyeyî semedê hetkarî muracat kerd
Dimayê qerarê rijnayîşî keyeyî semedê hetkarîya lazimî 8ê Tebaxa 2023ine de muracatê Mudurîyê AFADî kerd. Dima ra banê keyeyî ame rijnayîş. Dimayê rijnayîşî tena 5 TL paştdayîşê kîra dayî keye.
Vejîya werte ke hûmara parselê keyeyî şaş ameyo nuştiş
Teblîgato ke mudurîyê Derûdor û Bajarwanî yê Mêrdînî şirawito de wina ameyo vatiş: “Kodê ‘8KEV8’ û adresê sey ‘ada 169 16 parsel ya taxa Yucebag’ ameyo dîyarkerdiş adresê “afet.csb.gov.tr” sey “169 ada 17 parsel” yeno vînayîş û ganî muracatê komîsyonê binê banê AFADî de bêro dayîş û hûmara parselî bêro vurnayîş.”
Muracat ame kerdiş
Keyeyî nê ser de muracatê AFADî kerd. AFADî teblîgat şirawit keyeyî rê û semedê prosesê heqê wayîrvejîyayîşê bajarî qedîyayo waştişê înan ca nîno.
Felaket de canê xo û keyeyê xo vînî kerdî
Vernê de erdlerzê 6ê Sibate de keyeyê înan ame rijnayîş, dima ra felaketê şewatî de tutê keyeyî Resûlî dinyaya xo bedelna. Keyeyo ke banê înan ameyo rijnayîş, serrêke pawe yo ke bêro viraştiş. La selahîyetdaran ra cewabêk nêgirewtê.