![](/staticfiles/news/237023/2024/07/04/823x463cc-stenbl-04-07-2024-rojnameger-calaki.jpg)
Hemverê cezayê 8 rojnamegeran rê ame birnayîş do çalakî bêrê organîzekerdiş
- 15:20 4 Temmuze 2024
- NAROJANE
STENBOL - Rêxistinê çapemenîye do cezayê zîndanî yê ke 8 rojnamegeran rê ameyî birnayîş Stenbol, Amed û Anqara de ptotesto bikerê.
Roniştişê qerarî yê vizêr ame organîzekerdiş de mûxabîrê Ajansê Mezopotamyaye (MA) Dîren Yûrtserver, Berîvan Altan, Selman Guzelyuz, Hakan Yalçin, Emrûllah Acar, Ceylan Şahînlî, Zemo Aggoz û Denîz Nazlim; mûxabîrê JINNEWSî Habîbe Eren û Oznur Deger û stajyerê MAyî yê verê Mehmet Gunhan ameyî muhakemekerdiş. Roniştişî de derheqê 8 rojnamegeran de cezaya zîndanî ameye dayîş.
Roniştişî de derheqê heyetê Dadgehe, derheqê Habîbe Eren, Ceylan Şahînlî û Mehmet Gunhanî de semedo ke delîl çinbî, qerarê beraetî da. Dadgehe derheqê Dîren Yûrtsever, Berîvan Altan, Selman Guzelyuz, Hakan Yalçin, Emrûllah Acar, Zemo Aggoz, Denîz Nazlim û Oznûr Degere de zî 6 serrî û 3 aşmî cezaya hefsî ameye birnayîş.
Hemverê cezayê ke rojnamegeran rê ameya birnayîş reaksîyonî dewam kenê û do Amed, Stenbol û Anqara de nê cezayî bi eşkerayîye bêrê protestokerdiş.
Na çarçewa de 6ê temmuze bi serkêşîya Komeleya Rojnamegeranê Cinîyan ê Mezopotamyaye (MKG) û Komeleya Rojnemegeran ê Dîcle Firatî (DFG) do saete 17:30ine de vernîya awanîya DFGyî de eşkerayîya çapemenîye bêro organîzekerdiş.
Ancî 6ê temmuze de Komeleya Rojnamegeranê Cinîyan ê Mezopotamyaye (MKG), Sendîkayê Rojnamegeran ê Tirkîya (TGS), Sendîkayê Xebatkarê Çapemenî, Weşan û Matbaayî (DÎSK Basin-Îş), Komeleya Xebatê Medya û Huqûqî (MLSA), Komeleya Rojnemegeran ê Dîcle Firatî (DFG) do Meydanê Şîşhaneyê Beyoglûyî de saete 18.00ine de bi girseyî eşkerayî bêro dayîş.