ANQARA - Roniştişê dewaya ke muxabîrê JINNEWSî û MAyî zî mîyan de 11 rojnamegerî ci ra ameyîne muhakemekerdiş de derheqê 3 rojnamegeran de qerarê beraetî ame dayîş û 8 rojnamegeran rê zî 6 serrî û 3 aşmî cezaya zîndanî ameye birnayîş. 

 

Roniştişê qerarê ke mûxabîra JINNEWSe Habîbe Eren û Oznûr Deger û Mudura Karê Nuşteyî ya verî ya Ajansê Mezopotamyaye (MA) Dîren Yurtsever û mûxabîrê ci Berîvan Altan, Selman Guzelyuz, Emrullah Acar, Ceylan Şahînlî, Zemo Aggoz û rojnameger Denîz Nazlim, Hakan Yalçin, Mehmet Gunhan ci ra ameyîne muhakemekerdiş, 4ine Dadgeha Cezaya Girane ya Anqarayî de ame vînayîş. Rojnamegerî tewrê roniştişî nêbî la avûkatî û xeylêk kesî tewrê roniştişî bîyî.

 

Heyetê Dadgehe, derheqê Habîbe, Ceylan û Mehmetî de semedo ke delîl çinbî, qerarê beraetî da. Dadgehe derheqê Berîvane, Selman, Dîrene, Emrullah, Hakan, Oznure, Denîz û Zemoye de zî 6 serrî û 3 aşmî ceza birna.