![](/staticfiles/news/236949/2024/07/03/823x463cc-navend-03-07-2024-serdan-taje.jpg)
TAJÊ serdayîşê cinîyanê Iraqî kerd
- 11:47 3 Temmuze 2024
- NAROJANE
MERKEZÊ XEBERAN - Têgêrayîşê Azadîya Cinîyê Êzidî, Bexda de cinîyan reyde roniştî û serê rewşa cinîyan bi taybetî cinîyanê êzidî û pêro cinîyanê Iraqî ser munaqeşe kerd.
Serrgêra fermanî reyde Têgêrayîşê Azadîya Cinîyê Êzidî, cinîyê çalakîkerê komelî û sîyasî yê Iraqî reyde pêvînayîş kenê. TAJÊ serdayîşê Rabîta Cinîyê Iraqî kerd. Serê fermanî û destkewtişê cinîyê êzidî yê 10 serrî, serê rêxistinkerdişê komelî bi serkêşîya cinîyan de Şengal de munaqeşeyî ameyî kerdiş.
Pêvînayîşo ke ame kerdiş de fermano ke ameyo serê komelê êzidî ke taybetî cinîya êzidî ameyî qetilkerdiş, munaqeşeyê hîra virazîyayî. Hêrişê dewleta tirkan ê Şengalî ser zî babetêka sereyîn ê munaqeşeyî bî. Awanbîyayîşê Têgêrayîşê Azadîya Cinîyê Êzidî serê çi bingehî de yo, Yewîneyê Cinîyê Şengalî YJŞ ke senî awan bî û serê çi bingehêk de awan bîyê munaqeşeyê hîra ameyî kerdiş. Eynî wextî de serê muhîmîyê îdarekarîyê xoser Şengal de û sîstemê ci eke Iraq de bêro fermîkerdiş do çiqas tesîrêk pozîtîf xo reyde bîyaro, nê ser de munaqeşeyî ameyî kerdiş.
Pêvînayîş de ame qetîkerdiş ke têkilîyê cinîyê êzidî ê pêro cinîyanê Iraqî reyde do cuyêka aram û têduştî Iraq de awan bikero û semedê bihêzkerdişê nê têkilî do her kes hetê xo de kar û xebate bikero.