NAVENDA NÛÇEYAN - Çeteyên hikumeta demkî hewl didin bajarê Kobanê dorpêç bikin, di van kêliyan de pevçûnên dijwar li derdora bajarê Eyn Îsayê rû didin. Şervanên QSD´ê û YPJ´ê bersivê tund didin.

 

Nûçegihanên Ajansa ANHA'yê yên Kobanê daxuyand ku çeteyên hikumeta demkî ya Sûriyeyê hewl didin bajarê Kobanê yê kantona Firatê dorpêç bikin û êriş dikin. Niha li rojavayê bajarê Eyn Îsayê bi çekên giran û sivik pevçûnên dijwar diqewimin.

 

Şervanên QSD û YPJ´ê bersiva van êrişan didin, da ku çeteyên ber bi Kobanê ve bi pêş nekevin û dorpêçê ferz nekin.

 

Çavkaniyên meydanî da zanîn ku di encama pevçûnan de ji her du aliyan de qurbanî çêbûn, li eniyên şer rewşeke awarte ya dijwar heye.