WAN - Endama DEM Partiyê Rojbîn Kartal bi îdiaya "endamtiya rêxistinê" hat girtin û şandin Girtîgeha Tîpa T a Wanê.

 

Namzeta Hevşaredara Panosê ya Partiya Wekhevî û Demokrasiyê ya Gelan (DEM Partî) a hilbijartinên herêmî yên 31'ê Adarê Rojbîn Kartal bi hinceta "endamtiya rêxistinê ye" hat girtin.

 

Rojbîn Kartal 4 roj berê di serdegirtina mala wê de hatibû binçavkirin. Rojbîn Kartal a 4 roj in li Midûriyeta Polîsan a Wanê hat binçavkirin, piştî îfadeya wê ya li dozgeriyê bi daxwaza girtinê sewqî Dadgeha Cezayê Sulhê hat kirin. Dadgehê der barê Rojbîn Kartal de bi hinceta "endamtiya rêxistinê " biryara girtinê da.

 

Hat ragihandin ku Rojbîn Kartal şandin Girtîgeha Tîpa T a Wanê.