WAN - Rojnameger Reyhan Hacioglu di rûniştina yekem a doza ku bi sûcê "endamtiya rêxistinê" tê darizandin de serbest hat berdan. 

 

Yekem rûniştina doza ku rojnameger Reyhan Hacioglu bi îdiaya "endamtiya rêxistinê" tê darizandin li 2'yemîn Dadgeha Cezayê Giran a Wanê hat dîtin. Nûnerên Komeleya Rojnamegerên Jin ên Mezopotamyayê (MKG), Komeleya Rojnamegerên Dîcle Firatê (DFG), her wiha rêveberiyên bajêr û parlamenterên DEM, DBP jî beşdarî rûniştinê bûn.

 

Piştî tespîtkirina nasnameyê Reyhan Hacioglu dest bi parastina xwe kir. Dû re parêzera Reyhan Hacioglu Jiyan Ozkaplan mafê axaftinê girt û parastina wê kir. 

 

Dozgerî daxwaza berdewamiya girtina wê kir. Lê şandeya dadgehê bi kontrola şerta edlî biryara tehliyeyê da û danişîn taloqê 9'ê Cotmehê kir.