ENQERE - Wezîrê Dadê Yilmaz Tunç têkildarî serlêdana DEM Partiyê ya ji bo hevdîtina bi Rêberê PKK’ê Abdullah Ocalan axivî û got: “Xebatên me yên ji bo diyarkirina roja guncav didomin.” 

 

Wezîrê Dadê Yilmaz Tunç têkildarî serlêdana Hevserokên Giştî yên DEM Partiyê Tulay Hatîmogûllari û Tuncer Bakirhan a ji bo hevdîtina bi Rêberê PKK’ê Abdullah Ocalan re, pirsên rojnamegeran bersivand. 

 

Wezîr Yilmaz Tunç, beriya hevdîtinên bûdçeyê yên li Lijneya Giştî ya Meclisê daxuyanî da û ji bo pirsa têkildarî serlêdana hevserokên DEM Partiyê wiha got: “Pêvajo didome. Xebatên me yên ji bo diyarkirina roja guncav didomin. Em ê bi we re parve bikin.”  

 

Yilmaz Tunç, pirsa rojnamegeran a “Gelo dê di demekî nêz de be?” jî nebersivand.