MÛŞ - Hevşaredarên Gimgimê Ulku Karaaslan û Mahmût Yalçin û Hevşaredarên Kopê Eylem Sarûca û Adanan Topçû hatin binçavkirin. 

 

Li navçeyên Mûşê hevşaredarên HDP’yî hatin binçavkirin. Polîsan serê sibêhê bi ser malên Hevşaredarên Gimgimê Ulku Karaaslan û Mahmût Yalçin û Hevşaredarên Kopê Eylem Sarûca û Adanan Topçû de girtin û ew binçavkirin. 

 

Polîsan di heman kêliyan de avahiyên şaredariyan jî dorpêç kirin. Piştî lêgerîna li malan hevşaredaran birin avahiyên şaredariyê û ji wir jî birin midûriyetê ewlehiyê. 

 

Li avahiyên her du şaredariyan jî lêgerîn didome.