NAVENDA NÛÇEYAN - 3'yê tebaxê ku 5'emîn salvegera Komkujiya Şengalê ye ji aliyê Federasyona Meclisên Jinên Êzidî ve wekî roja 'Têkoşîna bi Femînîsîde re' hat îlankirin. Çalakiya destpêkê wê li Almanyayê saet di 11.00'an de bi deqeyek rêzgirtinê bê lidarxistin. 

 

Çeteyên DAÎŞ'ê di 3'ê Tebaxa 2014'an de êrîşî bajarê Şengalê yê başûrê Kurdistanê kirin û bi hezaran jin, zarok, mirovên sivîl qetil kirin. Bi hezaran jinên êzidî jî dîl ketin destê çeteyan, lewma komkujiya li Şengalê weke yek ji hovîtiya herî mezin a dîroka nêz a mirovahiyê tê dîtin.

 

Federasyona Meclîsên Jinên Êzidî di salvegera 5'emîn a êrîşên qirkirinê de 3'ê Tebaxê weke 'roja çalakiyan a li dijî jinesîdê' hat îlankirin. Federasyonê bang li hemû jinan kir ku tevli çalakiyan bibin. Bi pêşengiya Federasyon Meclîsên Jinên Êzidî wê di 3'ê Tebaxê de li gelek bajarên Elmanyayê çalakî pêk werin.

 

Çalakî wê ji bo jinên li Şengalê ji aliyê çeteyên DAÎŞ'ê ve hatin qetilkirin û revandin di 3'ê Tebaxê saet 11:00 de li Almanyayê  bi deqeyeke rêzgirtinê dest pê bike. Di çalakiyan de bi taybetî wê trajediya jinên êzidî bê bibîrxistin û daxwaza bidawîbûna kuştina jinan bê kirin.

 

Federasyona Meclîsa Jinên Êzidî diyar ki ku jinesîs (gynecide) yanî qirkirina jinê yekser bi destê çeteyên DAÎŞ'ê hatiye kirin û kuştina jinên êzidî, firotina wan li bazarên koleyan û kiryarên li dijî mirovahiyê yên li wan hatin kirin bi bîr xist.

 

Li gorî daxuyaniyê dem û qada çalakiyan wiha ye:

 

Çalakiyên 3'ê Tebaxê:

 

Hamburg: Saet: 10.30, Mönckebergstraße vor Karstadt

 

Hannover: Saet 13.30, Hauptbahnhof

 

Bielefeld: Saet: 10.30, Rathaus

 

Wesel: Saet 10.30, Berliner-Tor-Platz

 

Bremen: Saet 10.00, Am Marktplatz

 

Wilhelmshaven: Saet 10.30, Katholische Kirche St. Marien

 

Celle: Saet 10.30, Große Plan

 

Nürnberg: Saet 11.00, Hallplatz

 

Walsrode: Saet: 10.00, Rathaus, Lange Str. 22

 

Çalakiya 4'ê Tebaxê:

 

Sulingen, Saet: 12.30, Nienburger Straße 23