AMED -  Amedekariya mîtînga HDP’ê ya li Amedê dê di 22’ê tîrmehê de bê lidarxistin didomin û komîteya amedekar banga beşdarbûnê kirin. 

 

Partiya Demokratîk a Gelan (HDP) di 22’ê tîrmehê de li Amedê bi dirûşma “Ji bo aştiyek birûmet çareseriya demokratîk” li Qada Îstasyonê mîtîngê li dar dixe. Dê ji bajarên derdora Amedê jî welatî beşdarî mîtîngê bibin. HDP ev hefteyeke amadekariyên mîtîngê dike û xwelkê vedixwîne qada mîtîngê. Bi taybetî li Amedê rêveber û parlamenterên HDP’ê kolan bi kolan digerin û belavokên banga beşdariya mîtîngê dike li welatiyan belav dikin. 

 

Mitîng dê saet di 17.00’an roja duşemê li Qada Îstasyonê pêk bê. Hevseroka Kongreya Civaka Demokratîk (KCD) Leyla Guven, Hevberdevka Kongreya Civaka Demokratîk (HDK) Gulîstan Kiliç Koçyigît, Hevserokê Giştî yê Partiya Demokratîka a Gelan (HDP) Sezaî Temellî, Hevserokê Giştî yê Partiya Herêmên Demokratîk (DBP) Mehmet Arslan, Hevserokê Giştî yê KESK’ê Mehmet Bozgeyîk, aktîvîstên TJA’yê, Hevserokê Giştî yê ESP’ê Şahîn Tumuklu, Serokê Giştî yê KKP’ê Sînan Çîftyurek di mitîngê de xîtabî gel bikin. Koma Çarnewa û Koma Azad jî wê di mitîngê de derkevin ser dikê û konser bidin. 

  

Endamên Komîteya Amadekar a mîtîngê banga beşdariyê kirin.