STENBOL - Dayikên / Mirovên Şemiyê di çalakiya xwe ya hezar û 46’an de xwestin ku faîlên Omer Olker bên darizandin.

 

Dayikên / Mirovên Şemiyê ji bo aqûbeta xizmên xwe yên di bin çavan de hatine windakirin û qetilkirin bipirsin û ji bo darizandina faîlan, li Qada Galatasarayê hatin ba hev û çalakiya xwe ya hezar û 46’an lidar xistin.

 

Dayikên Şemiyê qurnefîl û wêneyên xizmên xwe yên di bin çavan de hatine windakirin, hilgirtin. Di çalakiya vê hefteyê eqûbeta Omer Olker pirsîn û xwestin ku faîlên wî  bên darizandin. Omer Olker ê bavê 2 zarokan, di 15’ê Nîsana 1994’an de ji bo girtina malzemeyê çû dikana berberê, piştre winda bû û piştre jî cenazeyê wî hate dîtin.

 

Di çalakiyê de ji Komîsyona Li Dijî Windayên Di Bin Çavan De ya Komeleya Mafên Mirovan Sebla Arcan metna çapemeniyê xwend û çîroka windakirina Omer Olker vegot.

 

Çalakvanan qurnefîl danîn Qada Galasarayê û piştre çalakî bi dawî bû.