MERKEZÊ XEBERAN – Çalakîya nobete ya wargehê multecîyan ê Mexmûrî ke semedê azadîya fîzîkî ya Rayberê Şarê Kurdî Abdullah Ocalanî amebî destpêkerdiş, roja xo ya 896ine de dewam kena.

 

Çalakîya Nobete ya wargehê multecîyan a Şehîd Rustem Cûdî (Mexmûr) ke 20ê Temmuze 2023ine de semedê azadîya fîzîkî ya Rayberê Şarê Kurdî Abdullah Ocalanî amebî destpêkerdiş, bi dewrgirewtişê koma 175ine, roja xo ya 896ine de dewam kena.

 

Verê ke çalakî bêro dewrgirewtiş semedê pêro cangorîyê azadîya Kurdistanî deqeyêk rêz ame girewtiş. Dimayê rêzgirewtişî nameyê koma 174ine ser o Emîn Mijînî qisey kerd.

 

Emîn Mijînî destpêkê qiseykerdişê xo de serra newe ya 2026ine Rayberê Şarê Kurdî Abdullah Ocalanî, şervananê azadîye û şarê welatparêz pîroz kerd û wina qisey kerd: “Nê di serrî zêdeyêr o ma çalakîyêka zaf pîroz û wateyîn de yê. Lazim o her kes na çalakî de ca bigîro. 50 serrî şerêk ame domnayîş û nika zî no şer ver bi peynîye şino. Dewleta tirkan semedê menfeetê xo mecbur menda şêro verê Rayber Apo.”

 

Emîn Mijînî bale ant ser Manîfestoyê Aştî û Cimatê Demokratîkî û wina peynîya qiseykerdişê xo ard: “Rayber Îmrali de manîfestoya aştî û cimatê demokratîkî nuşt. Lazim o her kes xo goreyê nê manîfestoyî newe ra bigîro dest. Lazim o ma sey şarê kurdî xo zana û rêxistin bikerê ke ma bieşkê destê Rayberî xurt bikerê. Heta Rayber Apo nêro meydanê azadîya Amedî ma fek çalakîya xo ra veranêdanê.”

 

Merasîm bi dewrgirewtişê koma 175ine û bi sloganan peynî bî.