AMED/RIHA - Vewra ke saetê serê sibayî de Amed û Riha de dest pêkerd, bajarî bi sipî xemilyayî.

 

Amed de vewra ke şewe de dest pêkerd, serê sibayî seranserê bajarî de dewam kerd. Vewra ke her ca kerd sipî, bi taybetî cayê berzî bi vewre xemilyayî û welatijî bi vewre şîyar bî.

 

Riha de vewre serê sibayî de dest pêkerd. Vewra ke dorê saetê 7:30ine de siba dest pêkerd, bi lez ver bi merkezê bajarî û cayê berzî vila bî. Rihayo ke yew bajaro tewr germ yê Kurdistanî yo, semedê welatijan surprîz bî.

 

Her di bajaran de bi taybetî cayanê berzî de vewre bi sipîbîyayîşê xo her ca xemilna û yeno pawitiş ke vewre temamê roje de bêmabêne dewam bikero.