Neslîhan Kardaş

 

ŞIRNEX – Sereka Pêroyî ya Yewîya Cinîyan ê Elewîyan ê Almanyayî (AAKB) Ozgur Demîr derheqê prosesê Aştî û Cimatê Demokratîkî de qisey kerd û da zanayîş ke ê bi samîmîyetê hukmatî bawer nêkenê û va: “Senîn PKK’yî çeke veşnayî, ganî hukmat zî game bierzo.”

 

Rayberê Şarê Kurdî Abdullah Ocalanî 27ê Sibate de veng da û nê vengdayîşî dir hetê awankerdişê aştîya cimatî û peynîardişê prosesê şerî de munaqeşeyî yenê domnayene. Proseso ke serrêke yo dest pêkerdo, bi rojeva bingehîne yê cimatî. Vernî de şarê kurdî pêro hetê ke semedê rastê bêtêduştîya nasname, dîn, ziwan û nîjadî yenê waştişê xo bi hawayêko xurt anê ziwan. Nê prosesî de aktorê sîyasîyan heta cimatê sîvîlî hetêko hîra dîyar kenê ke aştî bi awankerdişê cimatêko demokratîk bica yena.

 

Sereka Pêroyî ya Yewîya Cinîyan ê Elewîyan ê Almanyayî (AAKB) Ozgur Demîr derheqê prosesî de qisey kerd.

 

‘Semedê aştîye ganî qirkerdişî bêrê nasnayene’

 

Ozgur Demîr eşkera kerd ke bi munasebetê serrgêra qirkerdişê Roboskî şîyî uca û va qirkerdiş de 14 serranê verênan de 34 merdimî dinyaya xo bedelnayî. Ozgur Demîr da zanayîş ke 27ê Sibate ra heta nika prosesêko ameyo destpêkerdiş est o û wina dewam kerd: “Ma proses muhîm û bi qîmet vînenê. Lazim o aştî bêro welat labelê semedê aştîye ganî vatişê nefretî û qirkerdişî bêrê pênasekerdiş. Heta nê nêrê nasnayene aştî zî nêeşkena bêro awankerdiş. Bi hetêk ra aştî, heto bîn ra bêteduştî nêbeno.”

 

‘Ma bi samîmîyetê hukmatî bawer nêkenê’

 

Ozgur Demîr dîyar kerd ke gama ke PKK’yî eşta zaf bi qîmet a û nê çî ard ziwan: “Goreyê mi sebebo ke hukmat gamî nêeştê est ê. Hetêk ra aştî, muzakere heto bîn ra tayînkirdişê qeyûman semedê partîyanê muxalefetî dewam keno. Eynî demî de tepiştişê rojnameger, sîyasetmedar û nuştoxan rojeve de yo. Ma pêro zanê ke peynîya nê çî resena ça. Nika xêrcê vindertişêk sîyasî çîyêk bîn çin o. Bêguman bi samîmîyetê hukmatî zî bawer nêkenê. Senîn PKK’yî çeke veşna ganî hukmat zî game bierzo.”

 

‘Bi serran o kurdî û elewîyan ser o qirkerdiş est o’

 

Ozgur Demîr bale ant ser nasnayîşê qirkerdiş û qetlîamanê ke ameyê ciwîyayîş û wina dergî da: “Ganî ma vernî de bêrê rî bi rî. Bê rîbirîbîyayîş ma bi samîmîyetê aştîye bawer nêkenê. Bi serran o cografyaya Rojhelatê Mîyanên de kurd û elewîyan qirkerdiş bica yeno. Semedo ke nê biqedîyê ganî dewlete zerrî ra bo. Semedê daîmîbîyayîşê aştîye ganî waştişê kurdan, elewîyan û pêro hetan bêrê girewtiş. Heta nê waştişî nêkewê rojeve samîmîyetê aştîye zî çin o.”