MÊRDÎN - Şemrex de semedê mîtîngê “Hêvî û Azadîye” ke do 4ê Çeleyî de Amed de bêro viraştiş broşurî ameyî vilakerdiş.

 

Partîya Têduştî û Demokrasîyê Şaran (DEM Partî) qezaya Şemrexî ya Mêrdînî de semedê mîtîngê “Hêvî û Azadîye” ke do 4ê Çeleyî de Meydanê Îstasyonî yê Amedî de bêrokerdiş, bi waştişê azadîya fîzîkî ya Rayberê Şarê Kurdî Abdullah Ocalanî bêro viraştiş, vilawikî vila kerdî. Nê serdayîşan de dikandar û welatîjan dir sohbet ame kerdiş, broşurî ameyî vilakerdiş û tewrbîyayîşê mîtîngê 4ê Çeleyî ame teşwîqkerdiş.

 

Hemşaredarê Şemrexî Kudret Uçuk û Hamdîn Demîr qiseykerdişê xo de bale antî yewbîyayîş û piştîdayîşî ser. Hemşaredare Kudret Uçuk va, “No mîtîng mîtîngêko semedê xurtkerdişê hêvîya şarê ma yê semedê aştî û azadîye yo. Ma venga şarê xo danê ke vengê xo semedê aştîye Amed de yew bikerê.” Hemşaredar Hamdîn Demîr zî va, “Waştişê hêvî û azadîye waştişêko pêroyî yê nê erdan o. 4ê Çeleyî de ma do şarê xo dir meydan de bê ke îradeyêko xurt Amed de nîşan bidê.”

 

Dimayê qiseykerdişî broşurî dikandar û welatijan rê ameyî vilakerdiş û înan waşt ke tewrê mitîngî bibê.