ANQARA - Vernîya Garî yê Anqarayî de, 104 merdimê ke hêrişê serê Mîtîngê Kede, Aştî û Demokrasî yê 10ê teşrîna verêne 2015ine de ameyî qetilkerdiş, aşma 121ine de ameyî yadkerdiş.

 

Vernîya Garê Anqarayî de, 104 merdimê ke hêrişê serê Mîtîngê Kede, Aştî û Demokrasî yê 10ê teşrîna verêne 2015ine de ameyî qetilkerdiş, aşma 121ine de ameyî yadkerdiş.

 

Yadkerdiş ke saetê qirkerdişî de virazîya, keyeyê mexdûran, merdimê înan û temsîlkarê komela sîvîlî amade bîyî.

 

Girseyê şarî sloganê “10ê teşrîna verêne xo vîr ra meke, mede xovîrrakerdiş” û “Roje do bêro dewran do bivuryo, qetilkerî do hesab bidê şarî” qîrayî û pankartê fotografê qurbanîyan berz kerdî.

 

Hemserekê Komeleya Aştî ya 10ê teşrîna verêne Îshak Kocabiyik ard ziwan ke pêwa nasname û adresê qetilkerê qirkerdişî dîyar o zî 121 aşmî nêameyê tepiştiş û va, “Şima çi bikerê, ma do fek têkoşînê xo yê edaletî û aştîye qet veranêdê.”

 

Îshak Kocabiyik ard ziwan ke heta edalet bica nêro aştî nêbena û dîyar kerd ke têkoşînê edaletî bingeyê hêvîya aştîye yo.

 

Merasîmê yadkerdişî bi serdayîşê cayê fotografê qurbanîyê qirkerdişî de qedîya.