MERKEZÊ XEBERAN - Çend rojî yo sporkere bi nameyê Haniye Şerriyati Rûdpûştî, ke Tehran de ameye destbendkerdiş û tepiştiş, tu agahî nîna girewtiş, hesabanê aye yê medyaya dîjîtal ke nêzdîyê 160 hezar taqîbkerdoxî est ê zî ame astengkerdiş.

 

Haniye Şerriyati Rûdpûştî, sporkere tekwando û mamosteya jimnastîkî ya ke Tehran de ciwîyena, 9ê teşrîna peyêne de semedê maske dabî xo ra û rayîrşîyayîşê bajarî de, hetê hêzanê asayîşî ra amebî tepiştiş û berdî cayêk nêdîyar.

 

Goreyê raporê ke ameyî weşankerdiş, tepiştişê sporkere sey “nêpabebîyayîşê rêziknameyê cil û belgan wextê performansî verê çimanê şarî de kena” ame dîyarkerdiş. Dimayê tepiştişê aye, Haniye Şerriyati Rûdpûştî keyeyê xo dir têkilî rona, xemgînîya xo serê rewşa aye ard ziwan û hetkarî waştî. La nê wextî ra derheqê cayê aye û çarenûsa aye de tu agahî nêameyî girewtiş.

 

Dimayê tepiştişê Haniye Şerriyati Rûdpûştî, yeno vatiş ke hesabê medyaya dîjîtalê aye kewto kontrolê dezgehanê asayîşî yê Komara Îslamî yê Îranî. Yeno vatiş ke hesabê Instagramê ayeke nêzdîyê 160,000 taqîbkerdoxî est ê, bi logoyê polîsanê FATAyî ameyo astengkerdiş.