MERKEZÊ XEBERAN – Cinîya kurde ya Kamyaranî Zîlan Kemanger ameye tepiştiş.

 

Zextê dewleta Îranî, Rojhelat de çalakîkerê sîvîlan û keyeyê muxalîfan ser o dewam keno. Bajarê Kamyaranî de, Zîlan Kemanger hetê Wezaretê Îstîxbaratê Îranî ra netîceyê ser eştişî de keyeyê ci de ameye destbendkerdiş. Semedê Zîlan Kemanger tu qerarê dadgehe nêame mojnayîş.

 

Wextê ser eştişî de ame neqlkerdiş ke keye ameyo cigêrayîş û telefonê destan ê endamanê keyeyî ameyê desteserkerdiş. Goreyê agahîyan, Zîlan Kemanger dimayê destbendkerdişî, neqlê merkezêk destbendkerdişî yê Sîneyî kerdê.

 

Zîlan Kemanger, kênaya tepişteyê sîyasî yê verên Huseyîn Kemangerî ya, sibata 2022ine de amebi tepiştiş û dimayê hîrê serran zîndanî, Zîndanê Merkezî yê Sîneyî ra amebi veradayîş.