MERKEZÊ XEBERAN – Xebera ajansê Mezopotamyayî ya derheqê çalakîya wendekaran yê semedê mergê bi guman ê Rojîn Kabaîşe bêro roşnkerdiş, hetê platformê X’î ra ame astengkerdiş.

 

Mergê biguman ê wendekara Zanîngeha Yuzuncu Yilî ya Wanî Rojîn Kabaîşe nîno roşnkerdiş. Rojê peyênî wendekarê Zanîngeha Yuzuncu Yilî ya Wanî semedê Rojîn Kabaîşe çalakî kerd. Çalakî bi sernameyê “Wan de çalakîya wendekaran: Rektor vera ke persan rê cewab bido rema” ajansê Mezopotamyayî de amebi weşanayene.

 

Xebera ke ajansê Mezopotamya ra ameye weşanayene, platforma X’î ra ame astengkerdiş. 2yîn Dadgeha Cezaya yê Sulhî ya Wanî, waştişê Sazgehê Zanistê Teknolojîye (BTK) ser o qerarê astengkerdişê xebere, Tirkîya de asteng kerd.

 

Qerarê astengkerdişî, bi sebebê qanûnê hûmara 5651 madeyê 8/A yê “tehdîdê hemverê asayîşê neteweyî, propaganda, muhtewayê hemverê Ataturkî û weşanê ke aramîya rayapêroyîye xirab kenê” ra ame astengkerdiş.

 

Peynî de 2 hesabê Instagramî yê Ajansê Mezopotamyayî “mezopotamyaajansi.tr” zî ameyî girewtiş.