MERKEZÊ XEBERAN – Kurdê Belçîkayî û pêameyê Meclîsî semedê rayîrşîyayîşê gird ê 8ê teşrîna peyêne yê Kolnê Elmanyayî venga tewrbîyayîşî kerdî.

 

Kurdê Belçîkayî û pêameyê Meclîsî semedê rayîrşîyayîşê gird ê 8ê teşrîna peyêne yê Kolnê Elmanyayî bi eşkerayîyêk venga tewrbîyayîşî kerd. Rayîrşîyayîş do serrgêra 3ine yê kampanyaya semedê azadîya Rayber Apo û semedê statuyê Kurdistanî de bêro caardiş.

 

Eşkerayîya ke ameya dayîş de, wina ame vatiş, “Wayîrvejîyayîşê xeyalanê şehîdan, yeno manaya yewbîyayîşê rayîrşîyayîşê azadîye” û venga tewrbîyayîşê rayîrşîyayîşî ame kerdiş.

 

Eşkerayîyê de nê çîyî ameyî vatiş: “Na roja muhîm û tarîxîye de, ma veng danê heme şarê xo yê Belçîka û şarê Kurdî yê Ewropayî ke tewrê nê rayîrşîyayîşê semedê xeyalanê şehîdan û azadîya Rayber Apo bibê. Ganî na rojê ma heme Kolnê de bê û wayîrê Rayberîya xo vejê.”

 

Ame dîyarkerdiş ke azadîya fîzîkî ya Rayber Apo, semedê prosesê çareserîya demokratîke yê meseleya şarê kurdî û şarê Rojhelatê Mîyanên muhîm o.

 

Eşkerayîyê de eynî wextî de nê çîyî ameyî vatiş: “Azadîya Rayber Apo, hêvîya hempar ê aştîye yê heme şarê herêmî yo. Rayîrşîyayîşê 8ê teşrîna peyêne yê Kolnî, semedê girdkerdişê na hêvîye û mesajêk xurt semedê rayapêroyîya mîyanneteweyîye, rojêk tarîxî yo.”

 

Meclîs û Rayberîya Belçîkayî veng da demokratan, sosyalîstan û enternasyonalîstan zî û dîyar kerd ke rayîrşîyayîş berpirsyarîyê hempar ê her kesî yo, tena şarê kurdî nîyo.

 

Eşkerayîye de ameya dîyarkerdiş ke semedê tewrbîyayîşê rayîrşîyayîşî Belçîkayî de heme amadekarîyê lazimî ameyê temamkerdiş û wina ame vatiş, “Amadekarîyê ma temam ê. Heme ca otobus û wesayîtî ameyê amadekerdiş. 8ê teşrîna peyêne ma do pîya Koln de bê. Ma do wayîrê Rayberî, mîrasê şehîdan û têkoşînê xo yê azadîye vejîyê.”