MERKEZÊ XEBERAN – Sazgehê Şingalî veng da ke şîdetê hemverê cinîyan biqedîyo û bale antî muhîmîyê fehmê Abdullah Ocalanî yê semedê azadîya cinîyan ser o.

 

Înîsîyatîfê Ciwananê Ereb ê Şingalî û Meclîsê Şarê Erebî yê Şingalî eşkerayîyêke hempar hemverê şîdetê cinîyan ser da. Eşkerayî hetê endamê Înîsîyatîfa Ciwananê Ereb Ebu Mushabî ra ameye wendiş.

 

Eşkerayî de, bale ame antiş tarîxê kûrî yê zihnîyetê ke cinîyan kole kenê û ame vatiş ke bi vilabîyayîşê fehm û felsefeya Rayberê Şarê Kurdî Abdullah Ocalanî dir, ganî cinî biresê heme heqanê xo. Ame neqlkerdiş ke şerê hemverê cinîyan nika ganî biqedîyo û piştdayîş ame dayîş semedê însîyatîfê aştîye yê azadîya cinîyan ke hetê Abdullah Ocalanî ra ameyo destpêkerdiş.

 

Eşkerayî de sewbîna ame dîyarkerdiş ke hemverê heme tewiranê nêheqî û şîdetê cinîyan ser o vindero; semedê awanbîyayîşê komelayêk azade ke cinî ci de wayîrê rolê serkêş û tesîrî yê, ganî pîya têkoşîn bikerê.

 

Eşkerayîya hempar bi sloganê, “Bijî Serok Apo” peynî bî.