MERKEZÊ XEBERAN – Fîlozofa femînîste ya namdare Eva Kittay bi mesajêk nuştişî piştdayîş da vengdayîşê Rayberê Şarê Kurdî Abdullah Ocalanî yê 27ê sibate yê Aştî û Komelê Demokratîkî.

 

Eva Kittay mesajê xo de vengdayîşê Rayberê Şarê Kurdî Abdullah Ocalanî sey “hurmetê hemverê rûmetê merdimî û îfadeyê azadîya kulturî yê şarê Kurdî” pênase kerd.

 

Mesajo ke Partîya Têduştî û Demokrasî (DEM Partî) rê ameyo şirawitiş de, ame dîyarkerdiş ke demo ke dinya de demokrasî û aştî peyser kewta, hewldayîşê wina “wayîrê muhîmîyê cuye yê”.

 

Mesaj wina yo: “Vengdayîşê Rayberê Şarê Kurdî Abdullah Ocalanî yê 27ê sibata 2025ine yê Aştî û Komelê Demokratîkî, nîşaneyê aştîyaneyê hurmetê hemverê rûmetê merdimî û waştişê şarê Kurdî yê ke ziwan û kulturê xo bi şeklik azadî bişuxulnê yo. Armancê nê vengdayîşî xurtkerdişê hêvîya aştî û demokrasî yo. Dinyaya ma ke demokrasî dûrî kewena û şer û pêrodayîş zêde beno, bi rastî zî ma bi hewldayîşê wina rê hewce yê. Ez zî bi temamî piştdayîş dana nê vindertişî.”

 

Eva Feder Kittay ke femînîsta etîk a û wareyanê teorîyê edaletî û felsefeya astengdarî de yew serkêşan ra ya, bi berardişê xo yê “Love’s Labor: Essays on Women, Equality, and Dependency” lîteraturê xo de tesîrêk gird viraşt. Kittay sey akademîsyenêke zî yena nasnayîş.