ENQERE - HDP'ê aşkera kir ku ji bo Serokatiya TBMM'ê parlamentera Colemêrgê ya girtî Selma Irmak namzet nîşan daye.

 

Buroya Çapemeniyê ya Partiya Demokratîk a Gelan (HDP) derarê erkdarkirina li Meclisê de agahî da. Agahiya HDP'ê wiha ye:

 

"Partiya me û Koma me ya li Meclisê, piştî niqaşên xwe yên bi organên eleqedar re, ji bo Serokwekîltiya Meclisê biryara ku parlamentera Stenbolê Fîlîs Kerstecîoglu û parlamenterê Mûşê Ahmet Yildirim erka xwe berdewam bikin daye. Herwiha ji bo Serokatiya TBMM'ê ya Sala nû jî parlamentera Colemêrgê Selma Irmak a girtî namzet nîşan daye."

 

Li aliyekî din jî derbarê Selma Irmak a ku li 5'emîn  Dadgeha  Ceyzayên Giran a Amedê bi îdiaya "Propagandaya Rêxistinê" û "Endamtiya rêxistinê" kiriye dihat darizandin de jî 10 sal cezayê girtîgehê hat dayîn.