Ji bo ku girankirina tecrîta li ser Rêberê PKK Abdullah Ocalan şermezar bikin Meclîsa Dayîkên Aşitiyê dest bi greva birçîbûnê ya dorveger kirin. Greva dorveger a ku ji aliyê Meclîsa Dayîkên Aşitiyê ya Wanê ve hatiye destpêkirin duh bişev bi klam,govend û nirxandinên sîyasî berdewam kir. 

 

Dayikan heyanî nîvê şevê dev ji klam gotin û govendgirtinê bernedan. Nirxandinên dayikan yên sîyasî jî bi moralek mezin dihatin niqaşkirin. Bi mereqeke mezin temaşekirina dayikan a nûçeyan jî balkêş bû. 

 

Tecrît bi govenda dayikan dihat şikandin

 

Kêfxweşiya wan jî banga serê sibehê aşkere dikir. Gotina dayika ku govend digirt a 'Ez govendê digrim, ji bo ku sibehê agahiya mirina keça min neyê ' balkêş bû. Xemgînî û kêfxweşiya dayikan bi govendê re dibû yek û tecrît bi vî awayî perçe perçe dikir. 

 

Şevê bi tililîyên dayikan berdewam kir

 

Piştî govend û klaman greva birçîbûnê bi  tililî û dirûşmeyên 'Bijî Serok Apo,Bijî berxwedana Dayîkan' berdewam dikir.