*Canan Ceylan a li girtîgeha Jinan a Bakirkoyê girtiye, nameyek şand û bal kişand ser binpêkirinên mafan ên rêveberiya girtîgehê. Cananê da xuyakirin ku mafên hevdîtinê yê girtiyan tê astengkirin, mafê wan ê tenduristiyê tê xespkirin û rastî lêgerîna tazî tên. Cananê wiha got: “Li gel van zextana em bi berxwedanê hemû geşedanan dişopînin, em bi hêvî ne û wê têkoşîna xwe berdewam bikin.”

 

*Nûçegîhana ANF'ê Hêvîdar Hebûn li ser pêngava rizgarkirina Reqayê nêrînên xwe ji ajansa me JINNEWS re vegot. BI DÎMEN

 

*Jinên Kantona Şehbayê bêdengiya navnetewî ya li hemberî rewşa tendurustiya  Rêberê PKK'ê Abdulah Ocalan bi meşekê protesto kirin. 

 

*Di 94 şaredariyên DBP’ê ku ji parçeyeke rêveberiyên herêmî hat derxistin û veguhertin qerekolan destkeftiyên jinan yek bi yek hatin tunekirin. Qeyûmên êrîşî destkeftiyên şaredariyên DBP’ê yên 15 salan kirin, hedefa wan ya ewil xebatên jinan bû û bi giştî 28 hevşaredarên jin hatin girtin.

 

*Dr. Annelîes Broekman li ser dîroka îlankirina serxwebûna li Katalonyayê axivî. Annelîes balkişand ser têkoşîna azadiyê ya  Gelê Kurd û got: “Ji bo Gelê Katalonyayê Kurdistan û Gelê Kurd referans in.  Ewropa jî hevnivîskarê polîtîkayên Erdogane.”

 

*Çemê Çag-Çag yê Nisêbînê ji ber qirêjiyê  bîhnek xerab jê tê û nayê paqij kirin. Şaredarî li hemberî qirêjiya çem bê deng e û welatiyan jî diyar kir ku şaredarî ji bilî dayîna pere ya ji bo muteahîtan tiştekî nake. BI DÎMEN

 

*-Endama MYK'a DBP  Meryem Yildizê balkişand ser tecrîda li ser Rêberê PKK’ê Abdullah Ocalan û çalakiyên ji aliyê DBP’ê ve hatine destpêkirin û wiha got: “Em heta agahiyê ji Abdullah Ocalan negirin em ê çalakiyên xwe bidomînin. Divê herî zêde jin tevlî van çalakiyan bibin.” BI DÎMEN

 

* Îdianameya der barê Şahcan Tuner û Sîbel Îldanê de hatiye amadekirin, têgeha ‘dayik’ ya di peyamên telefonê de jî lê hatin bicihkirin.  Li gorî serdozgeriya Komarê ya Amedê ‘dayik’; Di rêxistinê de kesa di asta bilin de faliyetan dimeşîne ye.