Dayikên Kantona Kobanê rizgarkirina Reqayê li Gelê Bakûrê Suriyeyê, Kobanê û Şengalê pîroz kirin. Bi kêfxweşiyeke mezin rizgarkirina Reqayê pêşwazî kirin .

 

Dayikan hestên xwe ji ajansa me re anîn ziman û diyar kirin ku rizgarkirina Reqayê serkeftin e û destkeftiya QSD'ê ya herî mezin e. Ji ber ku bi rizgarkirina Reqayê gelek jin jî hatin rizgarkirin.

 

Me bi kêfxweşî û şahiyeke mezin rizgarkirina Reqayê pêşwazî kir

 

Dayika bi navê Xeznê Derwîş hestên xwe yên derbarê rizgarkirina Reqayê de wiha anî ziman: "Di destpêkê de ez rizgarkirina Reqayê li Şervanên Berxwedêr ku di rêya rizgarkirina Reqayê de bedena xwe dan ber mirinê, li Rêberê Gelê Kurd Abdulah Ocalan  û li gerîlayên serê çiyan pîroz dikim. Me bi kêfxweşî û şahiyeke mezin rizgarkirina Reqayê pêşwazî kir. Em şanaz in ku xwîn û keda şehîdan li erdê neman."

 

Em serkeftina rizgarkirina Reqayê li hemû jinên Şengalê pîroz dikin

 

Dayika Mizgîn hestên xwe yên derbarê rizgarkirina Reqayê de wiha anî ziman: "Ez rizgarkirina Reqayê li hemû gelê Kurd û Ereb pîroz dikim. Em dixwazin ku vegerin cî û warên xwe. Ez serkeftina Reqayê li hemû jinên Şengalê pîroz dikin." 

 

Rizgarkirina Reqayê pêngava rizgarkirina mirovatiyê bû

 

Dayika Sara Xelîl jî hestên xwe wiha anî ziman:" Dema ku mirov dibêje Reqa rizgar bû, zimanê mirov lal dibe. Çimkî ev ne serkeftineke ji rêzê ye. Şevanên bi rûmet bi mînakek bê hempa li berxwe dan û axa Reqayê rizgar kirin. Ev pêngav ne tenê pêngava  netewekî  bû, pêngava rizgarkirina mirovatiyê bû. Reqa rîzgar bû. Diyar e ku dê Destana Rizgarkirina Reqayê dê neyê jibîrkirin.