SERÊ KANIYÊ - Xwendekarên Aqademiya Tendrustiyê ji bo şermezarkirina tecrîda li ser Rêberê PKK'ê Abdullah Ocalan daxuyaniyek ji raya giştî re dan.

 

Ji bo hînbûna rewşa dawî û şermezarkirina tecrîda li ser Rêberê PKK'ê Abdullah Ocalan  xwendkarên Aqademiya Tendrustiyê ya bajarê Serê Kaniyê ya herêma Cizîrê daxuyaniyek ji raya giştî re dan. Daxuyanî bi tevlîbûna hemû endamên Aqademiyê pêk hat.

 

Di daxuyaniya xwendekarên Aqademiya Tedrustiyê de wiha hat gotin:

 

Bi navê xwendekarên Aqademiya Tendirustî ya Rojava em vê daxwiyaniyê ji bo zelal kirina rewşa Rêber Apo  û bi taybet jî ji bo tendirustiya wî  didin .Rewşa ku niha serokatî tê de ye, em wekî barekî li ser milê xwe dibînin.

 

Ev tecrîda li hember Rêber Apo demeke dirêje ku  tê meşandin û tu agahî ji serokatî nehatiye girtin. Em nizanin rêber Apo di çi rewşê de ye. Bila dijmin tu carî nefikire ku ew ê bi vê  tecridê hêza me kêm bike.

 

Serkeftina me ya aqademiyê em dixwazin ku ji bo çareseriyê bibe moralek.  Ji bo guhertinek pêşketî ya di  nava civakê de, em ê fikir û ramanên Rêber Apo bi cih bînin.

 

Em dixwazin dengê  me ji rêxistinên ku mafê mirovatiyê diparêzin re  wek hişyariyekê bê, ji bo ku li ser rewşa Rêber Apo  bisekinin. Weke xwendekarên Aqademiya Tendirûstî ya Rojava, em vê tecrîda li ser Rêberê Gelê Kurd Abdullah Ocalan, bi zimanekî tund şermezar dikin .

 

Daxuyanî bi diruşmeyên" Bê serok jiyan nabe",”Ji bo Rêber Apo,azadî" bi dawî bû.