HEWLÊR - Şandeya Îmralî ya DEM Partiyê ji bo hevdîtin bi PDK'ê YNK’ê re pêk bîne hat Başûrê Kurdistanê. 

 

Şandeya Îmralî ya Partiya Wekhevî û Demokrasiyê ya Gelan (DEM Partî), piştî hevdîtinên bi Rêberê PKK'ê Abdullah Ocalan re di 28'ê Kanûna 2024'an û 22'ê Çileyê de serdenên xwe dewam dikin. Di vê çarçoveyê de Şanda Îmraliyê îro hat Başûrê Kurdistanê. 

 

Şandeya ji endamên Heyeta Îmraliyê Pervîn Buldan û Sirri Sureyya Onder, Hevseroka Giştî ya Partiya Herêmên Demokratîk (DBP) Keskîn Bayindir, Ozgur Erol û ji Buroya Hiqûqê ya Asrinê Îbrahîm Bîlmez, Hevserokê Komîsyona Têkiliyên Derve ya DEM Partiyê Berdan Ozturk, Parlamenter Gulcan Kaçmaz Sayyigit û Mehmet Kamaç pêk dihat.

 

Şande li mêvanxaneya protokol a Deriyê Sînor yê Îbrahîm Halîl hatin pêşwazîkirin. Dû re jî ber bi Hewlerê ve bi rêketin. 

 

Tê payîn ku şande bi Serokê PDK'ê Mesûd Barzanî, serokê Rêveberiya Herêma Federal a Kurdistanê Neçîrvan Barzani re hevdîtin pêk bîne. 

 

Piştre jî dê li Silêmanî bi Serokê YNK'ê Bafil Talabanî, Kubat Talabanî û rayedarên YNK'ê re hevdîtinê pêk bînin.