ÎDAYDERî ra çalakîya 25 Teşrîna Peyêne
- 14:08 21 Teşrîna peyêne 2026
- NAROJANE
STENBOL - Bi serkêşîya cinîyanê ÎDAYDERî, çarçeweya Roja Mîyanneteweyî yê Têkoşînê Hemverê Şîdetê Cinîyan Ser de, 25ê teşrîna peyêne de, panelêk bi nameyê "Cayê Cinîyan Quran de" do bêro organîzekerdiş.
Bi serkêşîya cinîyanê endamanê Komeleya Zanayê Dînî yê Stenbolî yê Hetkarî û Yewbîyayîşî (ÎDAYDER), 25ê teşrîna peyêne Roja Mîyanneteweyî ya Peynîardişê Şîdetê Cinîyan Ser de, Bahçelievlerî de panelêk bi sernameyê "Cayê Cinîyan Quran de" do bêro organîzekerdiş. Pawitoxaya heqanê merdiman Nurten Ertugrul û Perva Înal, Hemsereka Federasyona Cigêrayîşê Îslamî yê Mezopotamyayî, do sey qiseykerdox tewrê panelî bibê.
Panel do 23ê teşrîna peyêne de saete 14.00ine de, bi her di ziwananê kurdkî û tirkî do bêro organîzekerdiş.
Venga yewbîyayîşî ame kerdiş
Vengdayîşê çalakîye ke hetê cinîyanê ÎDAYDERî ra ame amadekerdiş, ame vatiş ke her tewirê şîdet û nêheqîye yê hemverê cinîyan do roşnîya ayetanê Quranî ke rûmetê merdiman paweno, bi edalet ferman dano û eşq û aramî dano vernî, bêrê çareserkerdiş. Cinîyan, heme beşanê cimatî dawet kerdî ke piştîdayîşê yewbînan bidê û tewrê çalakîye bibê.
