WAN - Rojnamegerî zî mîyan de 22 kesê ke Wan de ameyî destbendkerdiş, vernîya îfadeyê dozgerî bi waştişê tepiştişî sewqê Zîndanê Cezaya Sulhî ameyî kerdiş.

 

Wezaretê Karê Zereyî vera Hemşaredarê Bajarê Pîlî yê Wanî Abdullah Zeydan û Neslîhan Şedal ke qeyûm tayîn kerd, hemverê tayînkerdişê qeyûmî de bajar de çalakîyê protestoyî ameyî destpêkerdiş. Hêrişê polîsan de mûxabîrê ajansê Mezopotamyaye (MA) Bîlal Babat û rojnameger Behçet Bayhan zî mîyan de 20 kesî ameyî destbendkerdiş. Destbendkerdeyî, badê karûbarê îfadegirewtişî yê emnîyetî sewqê Edliyeyê Wanî ameyî kerdiş. 

 

Her 22 destbendkerde zî vernîya îfadeyê dozgerî bêro girewtiş, bi waştişê tepiştişî sewqê Dadgeriya Cezaya Sulhî ameyî kerdiş. Ame zanayîş ke destbendkerdeyî bi îdiayê “Bêçek beşdarê kombîyayîş û rayîrşîyayîşê derqanûnî bîyê û pêwa îqazî zî vila nêbîyê” ameyî sûcdarkerdiş.