AMED - Rojnamegere Şehrîban Aslan ke bi îdiayê “binpaykerdişê nimitişê cuya taybetî” ameyîne muhakemekerdiş, beraat kerd.

 

Diyîn roniştişê dewaya ke derheqê muxabîra ma Şehrîban Aslan de bi sebebê xeberê hîn îdarekarê Mudurîyê Keye û Xizmetê Komelî yê Amedî semedê lazimîyê xo wesayîtê midûrîyê xebitnenê, bi sebebê xeberê ke semedê lazimîyê xo yê şexsî şuxilnenê, derheqê mûxabîra ma Şehrîban Aslan de ame akerdiş. Şehrîban Aslan ke nêeşka beşdarê roniştişê 16ine Dadgeha Cezaya Asliye ya Amedî bibo, avûkatê aye Resûl Tamûr amade bî. Komeleya Rojnamegerê Cinîyan ê Mezopotamyaye (MGK), Komeleya Rojnamegeran ê Dîcle Firatî (DFG) û Komeleya Cigêrayîşê Medya û Huqûqî (MLSA) zî roniştiş de amade bî.

 

Dozgerî roniştiş de fikrê xo pêşkêş kerd û beraet waşt.

 

Avûkat Resûl Tamûr zî dîyar kerd ke ê nê fikrî ra razî yê û waştişê beraetê muwekîla xo kerd.

 

Heyetê dadgehe badê qerarê xo eşkera kerd û qerarê beraetî da.