MERKEZÊ XEBERAN - Xoverdayîşê şarî yê Awbendê Tişrînî yê hemverê hêrişan roja 9ine de bi qerardarî dewam keno.

 

Dewleta tirkan û çeteyê aye 8ê kanûna 2024ine ra hêrişê xidarî hemverê Awbendê Tişrînî pê anê. Şarê Vakur û Rojhelatê Sûrîye semedê pawitişê awbendî û şermezarkerdişê hêrişan 8ê çeleyê emserî de xeylêk  bajaran ra verê xo dayî awbend. 

 

8ê çele, wexto ke konvoyê yewin ê şarî şîne awbend, dewleta tirkan bi teyare hêriş kerd û qirkerdişêk pê ard. 3 sivîlî şehîd bîyî û 15 zî birîndar bîyî. 15ê çeleyî de zî konvoyêk bîn şîne awbend, hetê dewleta tirkan ra ameye bombavarankerdiş. Netîceya nê bombavaranî de zî welatijêk dinyaya xo bedelnaye û 3 zî birîndar bî.

 

Eynî roje de wexto ke girse resa awbend û beşdarê nobete bî dewleta tirkan hêriş pê ard. Netîce de 3 sivîlî dinyaya xo bedelnayî û bi desan zî birîndar bîyî.

 

Nobeta şarî ya awbendî roja 9ine de dewam kena.