AMED- Roniştişê dewaya Hemşaredara Hênêyî Besîle Narîne ame kerdiş. Dozgerî waşt Besîle Narîn bêra cezakerdiş.

 

Hemşedara Hênêyî ya Amedî Besîle Narîn bi îdiayê “endamîya rêxistine” yena muhakemekerdiş. Roniştişê dewa Besîle Narîne Dadgeha Cezaya Girane ya Amedî ya 4ine de ame viraştiş. Besîle Narîn beşdara roniştişî nêbî la avûkatê aye Yusuf Çakas hadre bî.

 

Dozgerî, çalakîya ke Besîle Narîne demê verênî de beşdarî bîya sey sebeb mojna û waşt bi îdiayê “endamîya rêxistine” bêra cezakerdiş. Avûkat Çakas zî seba verba mutalaya pawitişî ya muwekîla xo bikero, dem waşt. Dadgehe waştişê Yusuf Çakasî qebûl kerd û roniştişê dewa taloqê 18ê Adare kerd.