ÎZMÎR - Rêxistinê sîvîlî yê Îzmîrî dîyar kerdî ke Tirkîya bi qetilkerdişê rojnameger Nazîm Daştan û Cîhan Bîlgîne sûcê şerî kerda, dîyar kerdî ke berpirsiyarîya her kesî yo ke rojnamegerê ke karê xo kenê bipawê. 

 

Partîyê sîyasî û rêxistinê sîvîlî awanîya şubeyê Komeleya Heqê Merdiman (ÎHD) ê Îzmîrî, derheqê qetilkerdişê rojnameger Nazîm Daştan û Cîhan Bîlgîn yê hetê SÎHAyan ke aîdê Tirkîya bî, Vakur û Rojhelatê Sûrîye de ameyî qetilkerdiş, kombîyayîşêk çapemenîye organîze kerdî. Kombîyayîşo ke pankartê "Rojnamegerî sûc nîya" ame akerdiş de, metnê çapemenîye hetê îdareyê Şubeyê ÎHDyî yê Îzmîrî Ahmet Çîçek ra ame wendiş.

 

Eşkerayîye de ame dîyarkerdiş ke herêmanê pêrodayîşan de rojnamegerî tim hedef yenê girewtiş û Nazim Daştan û Cîhan Bîlgîn zî wexto ke averşîyayîşê Sûrîye taqîb kerdêne, raştê hêrişan ameyî û ameyî qetilkerdiş. Dewam de wina ame vatiş: “Hema vizêrî Rêxistina Pawitişê Sivîlî ya Filistînî neql kerd 5 rojnamegerê ke hedîseyê nêzdîyê Nêweşxaneyê El-Ewda taqîb kerdêne, netîceya hêrişê hewayî yê Îsraîlî de wesayîtê înan yê weşanî hedef ame girewtiş û ameyî qetilkerdiş. Heqê cuye ya rojnamegeran tena heqêq merdimayî nîyo, eynî wextî de semedê dewamkerdişê komelêk azad û demokratîke zî ercêk bêpeynî ya. No binpaykerdiş huqûqê mîyanneteweyî yê merdimayî û peymana Cenevreyî yo. Kiştişê sîvîlê ke şerî de goreyê qanûnê Romayî qedexe yo. Binpaykerdişê heqê cuye yo û hêrişê rojnamegeran eynî wextî de hêrişêk topyekûn ê heqê neqlkerdişê resnayîşê raştîye yo."