AMED - DFGyî serra 2024ine de paştdayîşê huqûqî da 152 rojnamegeran, 49 dewayan de rojnamegerî pawit, semedê 31 rojnamegerê ke polîsan şîdet kerdibî zî muracatê sûcî kerd. 

 

Komeleya Rojnamegeran ê Dîcle Firatî (DFG) raporê xo yê huqûqî yê serra 2024ine eşkera kerd. Rapor de dayeyê derheqê hetkarîya huqûqî yê temamê serre de ameyî parekerdiş û wina ame vatiş: “Ma rojnamegerî serra 2024ine de hetêk ra karê xo kerd, heto bîn ra zî korîdorê dadgehan de ma hewl da rojnamegerîye bipawê. Hedefo ewil ê teda û sansûrê Tirkîya ke îqtîdar roj bi roje sewîyeya ci zêde keno, rojnameger bîyî. Bi tedayê rojnamegeran ser o hewl dayî ke heqê azadîya agahîgirewtişî yê komelî asteng bikerê û na wesîla dir derheqê bi seyan rojnamegeran de cipersayîşî ameyî akerdiş û nê cipersayîşî açaryayî dewayan.” 

 

Paştdayîşê huqûqî 

 

Rapor de ame vatiş ke yewîneyê huqûqî yê DFGyî û avûkat Resûl Tamur û Ozcan Kiliç prosesê dewayê bi desan rojnamegeran taqîb kerdêne û nê agahî ameyî parekerdiş: “Avûkatê ma Resûl Tamur Amed û derûdorê ci karûbarê huqûqî yê 74 meslegdaranê ma, avûkatê ma Ozcan Kilinç zî Stenbol de karûbarê huqûqî yê 72 meslegdaranê ma taqîb kerd. Mîyanê serra 2024ine de ma paştdayîşê huqûqî da 152 meslegdaranê xo (cipersayîş, dewa, dadgeha cor, muracatê sûcî û ûsn.) Ma beşdarê 49 dewayan bîyî û ma rojnamegeran pawit û ma vat ke rojnamegerî sûc nîya. Pêwa nê paştdayîşî, demê hêzê asayîşî semedê îfadeyî venga meslegdaranê ma kerdêne zî înan dir şî.  jî parêzerên me bi wan re çûn. 

 

Heqê huqûqî ameyî vatiş 

 

Ma rojnamegerî tena korîdoranê edlîye û qereqolan nêpawit. Semedo ke pawitişê rojnamegerîye hîna xuet û pîlêr bikerê, ma atolye organîze kerd. Na çarçewa de, bi beşdarîyê avûkatê ma Resûl Tamur zî ma di rey atolyeya xeberdarîya krîzî organîze kerd û ma derheqê pawitişê rojnameyê huqûqî ra agahî da 30 meslegdaranê xo. Serra 2024ine de ma hem têkoşînê huqûqî, hem zî paştdayîşê komê meslegî dir pîlêr kerd û rojnamegerî pawit. Ma do serra 2025ine de zî rojnamegerîye bipawê. Ma do ne fek nuştişê huqûqî ra û ne zî vatişê rojnamegerîye sûc nîya ra vera bidê.”