AMED - Hevşaredar û nûnerên Platforma Saziyên Demokratîk ên navend û navçeyên Amedê, bênavber xebatên mitînga “Hêvî û Azadiyê” didomînin.

 

Platforma Saziyên Demokratîk, ji bo azadiya fizîkî ya Rêberê Gelê Kurd Abdullah Ocalan, dê di 4'ê Çileyê de li Qada Stasyonê ya Amedê mîtînga “Hêvî û Azadiyê” li dar bixe. Xebatên amadekariya mitîngê tevî hewayê sar bi coş didomin.

 

Peyas

 

Hevşaredarên Peyasê û nûnerên saziyên sivîl li navçeya Peyasê sardana gel û esnafan kirin. Di serdanan de nûnerên Platforma Saziyên Demokratîk gel vexwendine mitîngê, behsa girîngiya mitînga Hevî û Azadiyê kirin û bi belavokan gel vexwendin mitîngê.

 

Farqîn

 

Hevşaredarên Farqînê bi tevlîbûna Hevşaredaran, Parlamenterê Amedê Serhat Eren û êndamên Platforma Saziyên Demokratîk li Farqînê sardana esnaf û gel kirin û wan vexwendin mitîngê.

 

Erxanî

 

Hevşaredarên Erxaniyê Bîrsen Azak Bayar û Şiyar Guldîken, Parlamentera Amedê Halîde Turkoglu, Hevserokê DBPê ya Amedê Ahmet Dogan û rêveberên DEM Partî û DBPê ya Amedê li sûka Erxaniyê serdana esnafan kirin û wan vexwendin mitîngê.

 

Sûr

 

Li Sûrê jî endamên Platforma Saziyên Demokratîk, DEM Partî û DBPê kolan bi kolan geriyan û gel vexwendin mitîngê.