WAN -  Xwendekarên Zanîngeha Van Yuzuncu Yil ji bo Rojin Kabaiş ber bi rektoriyê ve meşiyan. Xwendekaran bang li rektor kirin û daxwaza daxuyaniyê kirin.

 

Berxwedana xwendekarên Zanîngeha Van Yuzuncu Yilê ji bo ronîkirina mirina gumanbar a Rojin Kabaiş di roja xwe ya çaremîn de berdewam dike. Ciwan li kampusa zanîngehê kom bûn û ber bi avahiya rektoriyê ve meşiyan. Xwendekaran pankartên "Lêpirsînê bikin! Rastiyê eşkere bikin" û "Xweparastin hebûn e" hilgirtin û gelek caran dirûşmeyên wekî "Rojin Kabaiş serhildana me ye", "Kampus ranezê li xwendekara xwe xwedî derkeve", "Jin jiyan azadî" û "Heq, hiqûq û edalet" berz kirin.

 

Ciwan li ber avahiya rektoriyê kom bûn û daxwazên xwe rêz kirin.

 

"* Divê Serdozgeriya Komarê ya Wanê  lêpirsîna sûcê 'destdirêjiya zayendî ya girankirî' berfireh bike.

 

*Wezareta Dadê divê di çarçoveya lêpirsîna gengaz de hemû rayedar û karmendan lêkolîn bike û ger pêwîst be, wan darizîne.

 

*Divê ew kesên ku ev qetlîam kirine bên darizandin, ne ew kesên ku beşdarî civîna çapemeniyê bûne.

 

*Daîreya Pispor a ATK ya Stenbolê divê raporek berfireh amade bike.

 

*Divê du nimûneyên DNA yên mêran ên cuda yên ku li ser cenazeyê Rojînê hatine dîtin werin eşkerekirin.

 

*Divê fermanên nepenîtiyê yên li ser dosyayê tavilê werin rakirin.

 

*Divê malbat, parêzer û raya giştî bigihîjin agahiyên rast."

 

Xwendekar dê saet 4:00'an de li ber rektoratê çalakiya xwe bidomînin."