* Seroka Giştî ya Partiya Şoreşger, Elîf Torûn diyar kir ku cîhan li ber şerekî emperyalîst-kapîtalîst e û destnîşan kir ku êrîşên li ser Rojava nayên wê wateyê ku pratîka jiyana bi hev re ya gelan winda dibe û got, "Têkoşîna yekgirtî ya gelan tekane çareserî ye." 

 

*Berdevka Komeleya Ziman û Çanda Kurdî ya Kurdî-Zan Ararat, ku yekem komeleya ziman e ku piştî 10 salan li Agirîyê vebûye, Dîcle Bozkurt diyar kir ku ziman aliyê herî bingehîn ê têkoşîna hebûn û nasnameyê ye û sansûr û zexta li ser zimanê Kurdî tenê bi xwedîderketina civakî û zêdebûna komeleyên ziman dikare were derbaskirin. BI DÎMEN 

 

*Endama Kooperatîfa Jinan a Evînê, Şehrîban Adsaz ku armanc dike di aboriyê de jiyaneke demokratîk biafirîne, xebatên kooperatîfê wiha vegot: "Kooperatîf saziyeke ku me bi xebata kolektîf, bi awayekî wekhevtir, hevpartir di warê aborî, civakî, çandî û demokratîk de ava kiriye ye.” BI DÎMEN

 

* 8’ê Adarê ne tenê rojeke bîranînê ye ji bo jinên li Kurdistanê; ew xaleke werçerxê ya siyasî ye ku xeta berxwedanê, ji ezmûnên zindanan û koçberiya bi darê zorê bigire heya ezmûnên rêveberiya herêmî û destwerdanên rêveberên tayînkirî, her sal ji nû ve tê sazkirin. Ev pêvajo eşkere dike ku jinên Kurd têkoşînek du alî diafirînin: zindîhiştina bîranînê li dijî polîtîkayên înkar û şer û xurtkirina rêxistinê li dijî pergal û zîhniyeta serdest a mêran. DOSYA