MERKEZÊ XEBERAN - Rejîmê Îranî tedayê xo yê wendekaranê cinîyan ê zanîngehan ser o şîdetêr keno. Na çarçewa de, Serekê Zanîngeha Tehranî awankerdişê merkezêk newe yê bi nameyê “Koma Karî yê Hîcabî” seba kontrolkerdişê cilûbelgê wendekaran neql kerd.

 

Serekê Zanîngeha Tehranî Mihemed Husên Umîd, eşkerayîyêke de seba ajansê mîyanên yê Îranî dîyar kerd mabêne panc-şeş aşmê vîyarte de komêk karî yê taybetî yê bi hîcabî zanîngehe kerdê meriyet. Umîd diyar kerd ke armancê na kome, çimdarîya cilûbelgê wendekarano.

 

Umîd eşkera kerd ke na kome bi rayîrê vengkerdişê nimite yê wendekaran û caardişê tedayî înan, hewldayîşê bêvengkerdişî û rayîrgirewtişê reftar û cilûbelgê rejîmî sey “nê meşrû û bêhîcabî” pênase keno. Mihemed Husên Umîd sewbîna diyar kerd ke ê do bi tu hawayî çimê xo na babete rê panêdê û do bi şîdet rî bi rî wendekaran bibê.