AMED- Mudirîya Karanê Fenî ya Şaredarîya Yenîşehîrî, xebatanê xo yê akerdişê rayîranê îmarî yê neweyan, eştişê asfaltî û pînekerdişê rayîran domnena.

 

Na çarçewa de, Taxa Uçkuyular kuçeyê 41. de rayîrêko newe yê îmarî ame akerdene. Xebatan de ke goreyê planê weşbîyayîşî yê amadeyîyan rayra şonê, karê rayîrî yê kenayîş, pirrkerdiş, reglaj û eyarkerdişê binawanîyê rayîrî ameyî kerdene û rayîr seba şîyayîş û ameyîşê peyayan û wesayîtan ame amadekerdene.

 

Taxa Dokuzçeltikî de zî rayîrê ke wextî herimîyayê, înan de xebatê eştişê asfaltî û pirrkerdişê çal û qulan ameyî kerdene. Taxe de xebatê weşkerdiş û tamîrkerdişê rayîran, goreyê programê tespîtkerdeyî do dewam bikerî.

 

Bi nê xebatanê ke yenî plankerdene ke wextêko tewr nêzdî de biqedîyê, resayîş û şîyayîş-ameyîş do hîna rehet û bêasteng bibo.