Pelşîn Çetînkaya

 

AMED - Hemsereka Şaredarîya Rezanî Leyla Ayaz, serê konferansanê cinîyan ê ke bajaranê Kurdistan û Tirkîya de ameyî viraştiş, dîyar kerd ke pêşnîyazîyê ke armancê înan zêdekerdişê rolê cinîyan mîyanê mekanîzmayanê qerargirewtîşî de yê, ameyî mûnaqeşekerdiş. Leyla Ayaze va ke erjnayîş û pêşnîyazîyê ke konferansan ra vecîyenê, do konferansêk pîlî de ke 6-7ê hezîrane de Amed de bêro viraştiş, bêrê temamkerdiş.

 

Komîteya Cinîyan a Îdarekarîyanê Herêmî yê Demokratîke yê Partîya Têduştî û Demokrasiyê yê Şaran (DEM Partî) 4ê nîsane de prosesê Konferansê Cinîyan ê Îdarekarîyanê Herêmî yê Demokratîkî bi sloganê "Bi Îradeyê Cinîyan Komunan Awan Kenê, Bi Îdarekarîyanê Herêmî Cimatêk Azad Awan Kenê" da destpêkerdiş ke fehmê îdarekarîyanê herêmî yê azadîya cinîyan hîra bikero. Çarçeweya nê prosesî de, konferansê cinîyan ameyî organîzekerdiş, kombîyayîşî bi yewîneyanê siyasetê cinîyan ê şaredariyan, bi komele û saziyê cinîyan dir ameyî viraştiş.

 

Hemsereka Şaredarîya Rezanî ya Amedî Leyla Ayaz derheqê babete de qisey kerd.

 

‘Cinîyan xerîteya rayîrê cimatê demokratîkî munaqeşe kerd’

 

Leyla Ayaz da zanayene ke bi hewteyan konferans pê ardî û nê konferansan de rolê îdarekarîyanê herêmî, meclîsanê cinîyan û xurtkerdişê komunan munaqeşe kerdî û va: “Dimayê weçînayîşanê herêmî xebatê mîyanê di serran de ameyî kerdene, ameyî munaqeşekerdiş. Serrêke ra zafêr verê cû dimayê konferansanê ameyî kerdene, emser zî merkez û herêman de kombîyayîşî ameyî kerdene û netîceyê ke ameyî girewtiş, do konferansê Amedî yê 6-7ê hezîrane de bêro viraştiş de bi netîce bibo. Yew rojevê esas ê konferansê prosesê cimatê demokratîk bî. Nê prosesî de rol û mîsyonê mîyanê îdarekarîyanê herêmî de, komun, meclîs, meclîsê cinîyan û komunê cinîyan ameyî munaqeşekerdiş.”

 

Cinîyan rêxistinbîyayîşê xoser munaqeşe kerd

 

Leyla Ayaz dewamê ci de eşkera kerd ke rayîrê pîlkerdişê rolê cinîyan ê mîyanê mekanîzmayanê qerarî de munaqeşe kerdî û wina dîyar kerd: “Cinîyan hêzê ke cuye awan kenê kenê, dewam kenê û vurnenê. Prosesê cimatê demokratîkî de zî rol û mîsyonê înan ame munaqeşekerdiş. Na çarçewa de xurtkerdişê meclîsanê cinîyan, zêdekerdişê komunanyê cinîyan, tewrbîyayîşê cinîyan ê mekanîzmayanê îdarekarîyanê herêmî vetê vernî. Konferans de tesîrêk negatîf ê qeyûman ê serê saziyê cinîyan zî ame erjnayîş. Kêmasîyê mîyanê di serran de ameyî kerdene, xebatê ameyî domnayîş ameyî erjnayîş.”

 

Amed de do xerîtaya rayîrî pîya bêra dîyarkerdiş

 

Leyla Ayaz da zanayene ke munaqeşeyê mîyanê konferansanê ameyî domnayîş de, do 6-7-8-9ê hezîrane de bi konferansêk cinîyan û yewê pêroyî hîra û tewrbîyayîşêk pîl bi qerar bibê û bi netîce bibê.