MÛŞ – Mujde Gungor ke hetê mêrdeyê xo Zafer Gungorî ra amebî qetilkerdiş, dewa Sêmerşêxî ya girêdayeyê qezaya Kopî ya Mûşî de ameye definkerdiş.

 

Taxa Guneştepe ya qezaya Osmangazi ya Bûrsayî de, vizêrî saetê sibayî de Zafer Gungor bi hacetêk birnaye cinîya xo Mujde Gungor qetil kerd. Fail ame destbendkerdiş, cenazeya Mujde Gungor semedê muayeneyê otopsî berdîya Sazgehê Tibê Edlî (ATK).

 

Cenazeya Mujde Gungor ewro dewa Sêmerşêxî ya girêdayeyê qezaya Kopî ya bajarê Mûşî de ameye definkerdiş. Merasîmê definkerdişî de keyeyê aye û hûmarêk zêde yê cinîyan amade bî.

 

Dimayê karê emnîyetî fail bi qerarê dadgehe ame tepiştiş.