ANQARA - Heyetêkê Meclîsê Dayîkanê Aştîye çarçewaya Prosesê Aştî û Cimatê Demokratîke de, Serekê Pêroyî yê CHP’yî Ozgur Ozelî reyde ame têhet.

 

Heyetê Meclîsê Dayîkanê Aştîye bi minasebetê Roja Dayîkan, çarçewaya Prosesê Aştî û Cimatê Demokratîke de serdanê xo yê partîyanê sîyasîyan domnena. Çarçewaya serdanan de, heyetê Dayîkanê Aştîye ke Behiye Yalçine, Afîfe Kartale û Muzeyyen Butune ra yena pê, pîya bi Verfeka DEM Partî Ayşegul Dogan û parlamentera DEM Partî Adalet Kaya, Merkezê Pêroyî yê CHP’yî de Ozgur Ozelî reyde pêvînayîş kerd. Temsîlkara Serekê Pêroyî ya CHP’yî ke Polîtîkayanê Huqûqî ra berpirsîyar a Gokçe Gokçen û Heyetê Koordînasyonî yê CHP’yî ra Emîne Uçak zî pêvînayîş de amade bîyî. Dayîkanê Aştîye sey serdanê partîyanê bînan, CHP’yî re zî Laçika Sipî dîyarî kerd.

 

Dayîkanê Aştîye do dimayê CHP’yî, saete 14:00 de serdanê Partîya Gelecekî bikerê û saete 15:30 de zî Meclîs de serdanê Koma AKP’yî bikerê. Heyetê Dayîkanê Aştîye do dimayê serdananê partîyanê sîyasîyan, verê Wezaretê Edaletî de eşkerayîyêka çapemenîye bidê û semedê pêvînayîşê bi Rayberê Şarê Kurdî Abdullah Ocalanî, muracatê wezaretî bikerê.