RIHA - Riha de, standê Komunî bi sloganê "Komunî ra heta Bazar: Pêvînayîşê Keda Cinîyan" ameyî akerdiş.

 

Îdareyê Herêmî yê Partîya Têduştî û Demokrasî yê Şaran (DEM Partî), wareyê Topçu yê qezaya Xelîlîye ya Rihayî de standê ke do hîrê rojan akerde bimanê, bi sloganê "Komunî ra heta Bazar: Pêvînayîşê Keda Cinîyan" akerdî. Akerdiş de, hemserekî û heyetê îdareyî yê DEM Partî yê bajarî, hemserekê şaredarîyan ê DEM Partî û xeylê cinîyî beşdar bî. Standan ser o pankartêk bi nuşteyê "Komunî ra heta Bazar: Keda Cinîyan" ame daliqnayîş.

 

Standan de, cinîyanê ke cilê neteweyî dabî xo ra, cil û bergê neteweyî, hunerê destan û berardişê werdî pêşkêş kerdî. Sewbîna nanê germ û şamborek amade kerdî û rotî. Akerdişê standan de bi vengê erbaneyan deyîrê kurdkî ameyî goşdarîkerdiş. Cinîyan xeylê rey sloganê "Jin, jiyan, azadî" berz kerdî û bi tilîlîyan govende kerdî.

 

Stand do heta saete 16:00ê şanî akerde bimano.