ANQARA - Heyeto ke Dayîkanê Aştî, Verfeka DEM Partî Ayşegul Dogan û parlamentera DEM Partî Adalet Kaya ra yeno pê, grûba MHP’yî ya Meclîsî zîyaret kerd. Heyetî Serekwekîlanê MHP’yî Fîlîz Kiliç û Erkan Akçayî reyde pêvînayîş kerd.

 

Heyetêkê Meclîsê Dayîkanê Aştî, çarçewaya prosesê Aştî û Komelê Demokratîkî de, bi munasebetê Roja Dayîkan partîyanê sîyasîyan zîyaret keno. Çarçewaya nê zîyaretan de, heyetê Dayîkanê Aştî ke Dayîkanê Aştî Behîye Yalçin, Afîfe Kartal û Muzeyyen Butun ra yeno pê, Ayşegul Dogan û Adalet Kaya reyde ewilî Meclîs de grûba MHP’yî zîyaret kerd. Çapemenî zî eleqeyêko pîl seba nê pêvînayîşî mojna. Dayîkanê Aştî badê pêvînayîşî, mexmela sipî dîyarîyê temsîlkaranê partîyanê sîyasîyan kerd.

 

Heyetê Dayîkanê Aştî do saete 16:00î de DEVA Partî û saete 17:00î de zî Saadet Partî zîyaret bikero. Zîyaretê Dayîkanê Aştî yê partîyanê sîyasîyan reyde do meşte zî dewam bikerê. Dayîkê Aştî do meşte saete 12:00î de CHP û saete 14:00î de zî Gelecek Partî zîyaret bikerê.